Türkiyədə minimum əməkhaqqı 2026-cı ildə artırılacaq
2026-cı ildə Türkiyədə minimum əməkhaqqı 27 faiz artırılacaq. Qərara əsasən, minimum əməkhaqqının məbləği 28 075 türk lirəsi təşkil edəcək. Bu məbləğ hazırkı məzənnə ilə təxminən 1 114,39 AZN-ə bərabərdir.
Crossmedia.az xəbər verir ki,məlumata görə, artım ölkədə inflyasiya səviyyəsinin yüksəlməsi, yaşayış xərclərinin artması və əhalinin sosial rifahının yaxşılaşdırılması məqsədi ilə nəzərdə tutulub. Yeni minimum əməkhaqqının xüsusilə aşağıgəlirli təbəqələrin alıcılıq qabiliyyətinə müsbət təsir göstərəcəyi gözlənilir.
Qeyd edək ki, Türkiyədə minimum əməkhaqqının məbləği hər il hökumət, işəgötürənlər və həmkarlar ittifaqlarının iştirakı ilə aparılan danışıqlardan sonra müəyyənləşdirilir. Yeni qərarın 2026-cı ilin əvvəlindən qüvvəyə minməsi planlaşdırılır.
Nastya Qəniyeva
10:23 24.12.2025
Oxunuş sayı: 3887
