TİKA ilə ADAU arasında əməkdaşlığın perspektivləri müzakirə olunub
Türk Əməkdaşlıq və Koordinasiya Agentliyi - TİKA-nın Bakı koordinatoru Hayrettin Özçelik Azərbaycan Dövlət Aqrar Universitetində (ADAU) olub.
Crossmedia.az AZƏRTAC-a istinadən xəbər verir ki, qonaqla görüşən ADAU-nun rektoru Zəfər Qurbanov birgə əməkdaşlığın genişləndirilməsinin vacibliyini diqqətə çatdırıb. Həmçinin rektor Aqrar Universitet ilə Türkiyənin ali təhsil müəssisələri arasında birgə həyata keçirilən layihələr barədə də ətraflı məlumat verib.
Bakı koordinatoru Hayrettin Özçelik Türk Əməkdaşlıq və Koordinasiya Agentliyinin Azərbaycan Dövlət Aqrar Universiteti ilə əməkdaşlığı genişləndirməkdə maraqlı olduğunu, səfərin bu məqsədlə təşkil edildiyini bildirib.
Sonra birgə reallaşdırılması mümkün ola biləcək layihələrlə bağlı müzakirələr aparılıb.
Daha sonra qonaqlar universitetin maddi-texniki, auditoriyaları, müasir laboratoriyalar və təcrübə imkanları ilə yaxından tanış olublar.
Görüşdə Türkiyənin Gəncədəki Baş Konsulu Recep Öztop da iştirak edib.
12:05 21.11.2024
Oxunuş sayı: 22822
