Muzey Mərkəzində Qələbəmizin 5 illiyinə həsr olunmuş “Zəfərin izi” adlı sərgi-konsert proqramı təşkil olunur
Noyabrın 1-i 2025-ci il tarixində Azərbaycan Dövlət Rəsm Qalereyasının təşkilatçılığı ilə Muzey Mərkəzində Qələbəmizin 5 illiyinə həsr olunmuş “Zəfərin izi” adlı sərgikonsert proqramı təşkil olunur.
Crossmedia.az xəbər verir ki, sərgi 44 günlük Vətən müharibəsində qazanılmış tarixi Qələbənin, qəhrəman şəhid və qazilərimizin göstərdiyi misilsiz igidliyin, eləcə də xalqımızın milli həmrəyliyinin incəsənət vasitəsilə təcəssüm etdirilməsi məqsədilə təşkil olunur.
“Zəfərin izi” adlı rəsm sərgisində müxtəlif müəlliflərə aid 38 əsər sərgilənəcək. Sərginin ekspozisiyasında tanınmış sənətkarlar Arif Hüseynovun “Şahbulaq qalası”, Vüqar Əlinin “Hədəfə doğru”, Mir Azər Abdullayevin “Kədəri sevincəçevirən Azərbaycan əsgəri!”, Fikrət İbrahimlinin “Diriliş”, Tahir Şıxəliyevin “Bir yolumuz var, evə getmək! Yurda qayıdış”, Nazim Məmmədovun “Zəfərin sonu” vəgənc rəssamlar Nərmin Abdullayevanın “Zəfər atı”, Fuad Musayevin “Tarixin səsi”, Oksana Kazımovanı "Qələbə küləyi", Zəhra Bağırlının "Tarix yazanlar", Aynur Novruzovanın “Qayıdan torpaqların qayıtmayan ogulları”, Lalə Hüseynzadənin "44-Zəfər günü", Emin Aslanovun “Zəfər sənindir, Azərbaycan əsgəri!”, Emin Aslanovun “Biz qalibik” və s. kimi qrafika, rəngkarlıq və plakat janrlarında işlənmişəsərləri yer alacaq.
Sərgidə plakat janrında yaradılmış əsərlərə xüsusi yer ayrılıb və həmin əsərlər həm bədii, həm də ideya məzmunu baxımından sərginin ümumi ruhuna özünəməxsus töhfə verir.
Təqdim olunan əsərlər Azərbaycan xalqının qəhrəmanlıq salnaməsini, ordumuzun şücaətini və azadlıq ruhunu bədii dillə ifadə edəcək. Tədbir çərçivəsində Qara Qarayev adına Mərkəzi İncəsənət Məktəbinin istedadlı tələbələrinin iştirakı ilə musiqi və rəqs proqramı təqdim olunacaq.
Qeyd edək ki, sərgi Muzey Mərkəzində 1-5 noyabr tarixlərində ziyarətçilər üçün açıq olacaq.
Elmir Heydərli
14:03 01.11.2025
Oxunuş sayı: 1911
