Zelenski danışıqlara getməyəcək: Bu onun hakimiyyətinin sonu ola bilər - ŞOK
Rusiya Prezidenti Vladimir Putin bəyan edib ki, Ukrayna ilə razılığa gəlmək mümkün olmazsa, hərbi yolla məqsədlərə çatacağıq. O, həmçinin qeyd edib ki, Rusiya qoşunları bütün istiqamətlərdə irəliləyir və Ukrayna Silahlı Qüvvələri yalnız mövqeləri saxlamağa çalışır.
Mövzunu şərh edən hərbi ekspert Şair Ramaldanov Crossmedia.az-a bildirib ki, Rusiya güclü tərəf kimi çıxış edir və bütün çağırışları da güclü tərəfin çağırışları kimi ifadə olunur: "Rusiya hazırda cəbhə bölgəsində irəliləyir. 50 ölkəyə yaxın koalisiya, Rusiyaya qarşı Ukraynanı dəstəkləyərək Rusiyanı dayandırmaq istədi. Ancaq bu günkü nəticələr onu göstərir ki, bunu bacarmadılar"
Ekspertin fikrincə ABŞ prezident dəyişiklikliyindən istifadə edərək bu vəziyyətdən həm siyasi, həm hərbi, həm də iqtisadi baxımdan az itkilərlə çıxmaq istəyir: "Yeni prezidentin gəlməsindən istifadə etmək istəyən ABŞ bu mövqeyi tutub. Düşünürəm ki, ABŞ-da kim prezident vəzifəsinə gəlsə də, artıq bu mövqeyi tutmalı olacaq. Ona görə ki, koalisiyaya başçılığı ABŞ edirdi. Bütün proseslər onu göstərirdi ki, Rusiyanı dayandırmaq olmadı və o öz nüvə daşıyıcılarını hərəkətə keçirdi. Nüvə silahı olan bir ölkə kimi Rusiya qarşıya qoyulan hədəflərə bütün vasitələrdən istifadə etməklə nail olmaq istəyirdi. O cümlədən nüvə silahının tətbiqi də istisna olunmurdu. Yəni dünya artıq böyük fəlakətlə üz-üzə idi. Mən düşünürəm ki, ABŞ prezidenti kim olur olsun, öz mövqeyini reallığı nəzərə alaraq müəyyənləşdirəcək".
Rusiyanın Ukraynaya qoyduğu şərtlərin çox ağır olduğunu vurğulayan müsahibimiz deyib ki, bunlar kapitulyasiyaya aktına uyğun şərtlərdir: "Ukrayna demək olar ki, indiyə kimi həm iqtisadi həm siyasi həm də insan resursu cəhətdən itirdiyini itirib. İndi də bu saat bu itkilər ilə razılaşmalı olur. Rusiya işğal etdiyi torpaqları öz torpağı kimi tanımaq tələbi irəli sürür. Bu çox ağır tələbələrdir. Düşünürəm ki, Rusiyanın tələblərində heç nə dəyişməyib və ola bilsin gələcəkdə bu şərtlər ağır şərtlər ola bilər. İndi də danışıqları bu şərtlər ilə aparmağa razıdır. Ola bilsin gələcəkdə bu şərtlər daha ağır şərtlər olsun və ona doğru da gedir. Biz görürük ki, Rusiya irəliləyir və əraziləri genişlənir. İndi Trampın vaxt verməsi ilə bir az bu məsələ səngiyib. Mənə elə gəlir ki, Putin bu çıxışı ilə göstərir ki, Rusiyanın səbri tükənir. Ukrayna Rusiyanın bu şərtlərini qəbul etməsə və sülh danışıqlarına getməsə nəticəsi faciəli ola bilər. Ola bilsin yay kampaniyasının sonunda daha intensiv əməliyyatlar keçirilsin. Bunu, Ukraynanı danışıqlar masasına otuzdurmaq üçün məcburetmə addımı kimi qəbul etmək olar. Trampın da bu mövqeyindən sonra əlbəttə Ukrayanın vəziyyəti daha ağır oldu. Düşünmürəm ki, nə Ukrayna, nə də koalisiya Rusiyanı durdura bilsin. Bu da Ukraynanın gələcəkdə daha da asıllığa girməsi ilə nəticələnəcək. Rusiya qarşıya qoyulan məqsədlərə çatmaq üçün addımlayır. Hazırda gedən proseslər göstərir ki, Rusiya bütün cəbhə boyu nəzarəti öz əlində saxlayır və bu formada da döyüşləri davam etdirir. Ukraynaya yardımlar əvvəlki kimi intensiv olmayacaq. Ukraynanın gələcəyi çətin olacaq. Avropa Ukraynanı öz bufer zonası kimi qəbul edir və Ukraynanın imkanlarından və faciəsindən istifadə edərək öz təhlükəsizliyini qurmağa çalışır. Düşünürəm bundan sonra ABŞ tərəfindən Avropaya təzyiqlər ola bilər. Bu ilin sonuna qədər bu məsələlər öz həllini tapa bilər. Çünki Rusiya irəliləsə, bu, danışıqları daha da yaxınlaşdıracaq. Hazırda Avropa və Zelenski hələ ki danışıqlara getməyə maraqlı deyillər. Zelenski bilir ki, danışıqlardan sonra onun hakimiyyətinin sonu gələ bilər. Ona görə də öz təhlükəsizliyini təmin etmək üçün o, hələ də danışıqlardan qaçacaq. Düşünmürəm ki, müharibə çox uzansın və Rusiya nüvə silahına əl atsın. Çünki Rusiya sahib olduğu silahları ilə qarşısına qoyduğu tapşırıqların öhdəsindən gəlir. Bu gün Rusiya döyüşlərdə söz sahibidir və əməliyyat şəraitinə tam nəzarət edir. Gələcəkdə də Rusiyanın irəliləməsi ilə bağlı məlumatların şahidi olacağıq".
Niyaz Hacıyev
16:28 04.09.2025
Oxunuş sayı: 1092
