Səudiyyə Ərəbistanı helikopter qəzasını təsdiqlədi
Husilər Səudiyyə Ərəbistanına məxsus AH-6i tipli hərbi helikopterin raketlə vurulduğunu əks etdirdiyi iddia olunan görüntülər yayıblar. Ər-Riyad isə helikopterin qəzaya uğradığını açıqlayıb.
Crossmedia.az xəbər verir ki, husilər Səudiyyə Ərəbistanına məxsus AH-6i tipli hərbi helikopteri vurduqlarını iddia ediblər.
Husilərin yaydığı görüntülərdə helikopterin vurularaq məhv edildiyinin əks olunduğu bildirilir. Onların iddiasına görə, uçuş aparatı yerdən buraxılan raketlə hədəfə alınıb.
Bundan əvvəl Səudiyyə Ərəbistanı AH-6i tipli helikopterin qəzaya uğradığını təsdiqləyib. Rəsmi açıqlamaya əsasən, hadisə nəticəsində iki ekipaj üzvü həlak olub. Qəzanın səbəbi kimi texniki nasazlıq göstərilib.
Beləliklə, helikopterin vurulması ilə bağlı husilərin iddiası ilə Səudiyyə Ərəbistanının açıqlaması arasında fərq var.
16:57 18.10.2026
Oxunuş sayı: 58
