Kanadadakı hərbi bazada güclü yanğın baş verib: ölənlər və yaralananlar var
Kanadanın Alberta əyalətində yerləşən Veynrayt hərbi bazasında baş verən yanğın nəticəsində ölən və yaralananların olduğu bildirilir.
Crossmedia.az xəbər verir ki, “The Guardian” nəşri bu barədə məlumat yayıb.
Məlumata görə, Kanadanın Alberta əyalətində yerləşən Veynrayt hərbi bazasında ciddi insident baş verib və bu, genişmiqyaslı yanğına səbəb olub.
Kanadanın müdafiə naziri Devid Makginti bazadakı vəziyyətin mürəkkəb olaraq qaldığını bildirib.
Güclü külək səbəbindən alovun yaxınlıqdakı şəhər istiqamətində yayıldığı qeyd olunur. Yanğınsöndürənlər alovun qarşısını almaq üçün mübarizəni davam etdirirlər.
Makginti hadisəni qeyri-adi insident adlandırıb və vəziyyətin inkişafını izlədiyini bildirib.
18:42 18.10.2026
Oxunuş sayı: 55
