Şeyxülislam İran səfirini qəbul edib
Şeyxülislam Allahşükür Paşazadə İranın 🇦🇿 Azərbaycandakı səfiri Müctəba Dəmirçilunu qəbul edib.
Crossmedia.az xəbər verir ki, görüş zamanı Azərbaycan və İran dövlətləri və xalqları arasında bütün sahələrdə, o cümlədən, dini-mənəvi müstəvidə tarixi, ənənəvi əlaqələrin möhkəmlənməsinin vacibliyinə toxunulub. Şeyxülislam yeni səfirə qarşıdakı fəaliyyətində uğurlar diləyib.
QMİ sədri bildirdi ki, İran İslam Respublikasının Prezidenti Məsud Pezeşkianın Azərbaycana rəsmi səfəri, Azərbaycan Prezidenti İlham Əliyevlə Xankəndi Zirvəsində bir araya gəlməsi mühüm əhəmiyyət kəsb edən tarixi hadisələrdir və inşallah, ölkələrimiz arasında münasibətlərin daha artıq müsbət təkamülünə, əməkdaşlığın dərinləşməsinə təkan olacaqdır.
Səfir də öz növbəsində İranda keçiriləcək benəlxalq konfransa dəvət məktubunu QMİ sədrinə təqdim edib.
İslam Əməkdaşlıq Təşkilatı xəttilə Peyğəmbərimizin mövludunun 1500 illiyinin qeyd olunması çərçivəsində İranda baş tutacaq tədbir barədə məlumat verib.
20:01 26.08.2025
Oxunuş sayı: 909
