ABŞ-da imzalanan Bakı-İrəvan sazişi regionda geosiyasi dəyişikliklər yaradır
ABŞ-ın Fox News telekanalı Bakı və İrəvan arasında ABŞ-da imzalanmış sazişin geosiyasi nəticələrini işıqlandıran məqalə yayıb.
Crossmedia.az Fox News telekanalına istinadən xəbər verir ki, məqaləyə görə, Donald Trampın iştirakı ilə imzalanan saziş region üçün dönüş nöqtəsi olub. Razılaşmaya əsasən, Vaşinqton Zəngəzur dəhlizini — Xəzər ilə Avropanı birləşdirən, İrandan kənar strateji marşrutu 99 illik icarəyə götürüb.
Artıq TRIPP (“Trampın Beynəlxalq Sülh və Firavanlıq Marşrutu”) adlandırılan dəhliz vacib ticarət və enerji yolu kimi ABŞ-a milyardlarla gəlir gətirəcək və Avropanın alternativ təchizatlara asılılığını artıracaq. Bütün bu proses NATO-nun dəstəyi ilə həyata keçirilir.
İran üçün dəhliz geosiyasi itki deməkdir — iqtisadi axınların azalması, təsirin zəifləməsi və ABŞ bazalarının sərhədlərə yaxın peyda olma ehtimalı. Jurnalist Banafshe Zand sazişi “Tehrana şillə” və ABŞ üçün “tarixi qələbə” adlandırıb.
Ekspertlər bildirirlər ki, Vaşinqton İrandakı zəifləmədən və Ermənistan-Rusiya münasibətlərindəki gərginlikdən istifadə edərək regionda möhkəmlənib. Trampın iştirakı həlledici olub — o, sərt mövqe nümayiş etdirərək sazişi əldə edib, hansı ki artıq son illərin ən vacib geosiyasi addımlarından biri hesab edilir.
Pərvin Hacıyeva
14:56 23.08.2025
Oxunuş sayı: 837
