Paşinyan: Sovet ideologiyası Qarabağ hərəkatına gətirib çıxardı
Ermənistanın Baş naziri Nikol Paşinyan bildirib ki, Sovet İttifaqının ermənilər üçün yaratdığı vətənpərvərlik modeli ölkənin cənub-qərb ambisiyalarını ifadə edib və Ermənistan SSR-dəki vətənpərvərlik ideyalarının respublikanın sərhədlərindən kənara çıxarılmasını təmin edib.
Crossmedia.az xəbər verir ki, bu barədə xarici KİV məlumat yayıb.
Paşinyan qeyd edib ki, bu ideologiya onilliklər boyunca kitablar, filmlər, tamaşalar və teatr vasitəsilə cəmiyyətə aşılanıb və məhz bu sosial-psixoloji mühit 1990-cı illərdə Qarabağ hərəkatına yol açıb. O əlavə edib ki, bu psixologiyanın dərin məqsədi müstəqil Ermənistan dövlətinin strateji baxımdan mövcudluğunun çətinləşdirilməsi idi, çünki daimi münaqişə kontekstində olan ölkə tam müstəqillik qura bilməzdi.
“Baş nazir kimi əlimdə olan bütün məlumatlar və reallığın təhlili məni inandırdı ki, Qarabağ hərəkatını davam etdirməməliyik, çünki bu, Ermənistan Respublikasının müstəqilliyinin məhvi ilə nəticələnə bilərdi”, — deyə Paşinyan vurğulayıb.
Fatimə Məmmədova
13:11 23.08.2025
Oxunuş sayı: 6189
