Xəzər dənizində suyun səviyyəsi daha da azalacaq – alimlər xəbərdarlıq edir
2025-ci ilin sonuna qədər Xəzər dənizində suyun səviyyəsinin daha 25 sm enəcəyi proqnozlaşdırılır.
Crossmedia.az xəbər verir ki, bu barədə Xəzər Media Forumunda “VNIRO” Volqa-Xəzər filialının rəhbər müavini Sergey Şipulin məlumat verib.
Qeyd edək ki, bu, son beş ildə qeydə alınan ən güclü enmə olacaq.
Onun sözlərinə görə, son 30 ildə dənizin ən yüksək səviyyəsi 1994-cü ildə müşahidə olunub, həmin vaxtdan isə davamlı enmə qeydə alınır:
“Son beş ildə, xüsusilə 2020-ci ildən sonra dənizə çox az su daxil olub. Bu il isə əvvəlki illərin hamısından daha az olacaq. Biz hesab edirik ki, 2025-ci ilin sonunadək Xəzərin səviyyəsi əlavə 25 sm (±5 sm) azalacaq. Əgər yağıntıların azalması davam etsə, 2030-cu ilə qədər dəniz səviyyəsi 1 metrədək enə bilər”, – deyə alim vurğulayıb.
Xumar Emilqızı
22:48 22.08.2025
Oxunuş sayı: 8042
