Ermənistanın Baş naziri: Ermənistan və Azərbaycan arasında sülh əldə olunub
Ermənistanın baş naziri Nikol Paşinyan Vaşinqtonda keçirilən görüşdən sonra Azərbaycanla sülhün əldə olunduğunu bəyan edib. O, xalqa müraciətində 8 avqustdan etibarən Cənubi Qafqazda və Ermənistan Respublikasında yeni bir reallığın formalaşdığını bildirib.
Crossmedia.az xəbər verir ki, " 8 avqustdan sonra biz tamamilə fərqli bir Cənubi Qafqazda, tamamilə fərqli bir Ermənistan Respublikasında yaşayırıq. Və bu faktı dərk etmək lazımdır. Bu, asan deyil, çünki bu, bizim üçün tanış olmayan bir vəziyyət və reallıqdır. Biz, Üçüncü Respublikanın vətəndaşları, sülhün nə olduğunu bilmirik, sülhdə yaşamağın və işləməyin nə demək olduğunu bilmirik. Bu, bizim üçün yad bir hissdir, çünki müstəqillik qazandıqdan sonra biz münaqişə şəraitində, nə sülh, nə də müharibə şəraitində yaşamışıq" ,- deyə Baş nazir Nikol Paşinyan xalqa müraciətində bildirib.
"Biz sıfırdan öyrənməliyik ki, sülhdə yaşamaq nə deməkdir, sülh nədir, o necədir və hansı görkəmə malikdir. O, bizim verdiyimiz görkəmə malik olacaq. Əlbəttə, Azərbaycanla birlikdə, tək yox",- deyə Baş nazir əlavə edib.
Bənövşə Zahidli
18:38 18.08.2025
Oxunuş sayı: 7356
