“Ümid edirəm ki, bunlar davamlı olacaq…” - Deputat
Azərbaycan Respublikası xalqın sosial rifahının yaxşılaşdırılması üçün daim yardım paketləri hazırlayıb. Bu ilin yanvar-iyul aylarında da Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyində əlilliyi olan şəxslərə 83 min reabilitasiya vasitəsi verilib. Bu dövlətimizin vətəndaşlarına olan diqqəti və qayğısının təcəssümüdür.
Milli Məclisin deputatı Elşad Musayev dövlətimizin sosial siyasəti ilə bağlı fikirlərini Crossmedia.az-la bölüşüb: “Əhalinin sosial tələbatlarının ödənilməsi üçün müxtəlif vaxtlarda hökümətimiz tərəfindən sosial paketlər hazırlanıb. Bu, demək olar ki, davamlı olur. Biz sosial yardıma ehtiyacı olan təbəqənin ehtiyaclarının ən yüksək səviyyədə ödənilməsini istəyirik. İstər sosial müavinətlər olsun istərsə də sosial yardımlar. Bu dövlətin iqtisadi gücü və mövcud potensialı ilə bağlıdır. Dövlətimizdə də hər il bu güc artdıqca sosial paketlər də artır. Bunlar sosial dəstəyə ehtiyacı olanlara birmənalı şəkildə müsbət təsir edir və mən ümid edirəm ki, bunlar davamlı olacaq”.
Ayhan
14:16 18.08.2025
Oxunuş sayı: 3897
