Qazaxıstan və BMT Almatıda Regional Mərkəzin yaradılması barədə saziş imzalayıb
Qazaxıstan və Birləşmiş Millətlər Təşkilatı Mərkəzi Asiya və Əfqanıstan üçün Dayanıqlı İnkişaf Məqsədləri üzrə BMT-nin Regional Mərkəzinin Almatı şəhərində yaradılması ilə bağlı saziş imzalayıb.
Crossmedia.az xarici mətbuata istinadən xəbər verir ki, imzalanma mərasimi Qazaxıstan Prezidenti Kasım-Jomart Tokayev və BMT Baş katibi Antoniu Quterreşin iştirakı ilə keçirilib. Rəsmi mərasimdən öncə tərəflər arasında BMT-nin islahatı və yaradılacaq regional mərkəzin gələcək fəaliyyəti ilə bağlı fikir mübadiləsi aparılıb.
Yeni mərkəz Mərkəzi Asiya və Əfqanıstan regionunda dayanıqlı inkişaf məqsədlərinin həyata keçirilməsini əlaqələndirəcək və təşviq edəcək.
Pərvin Hacıyeva
20:23 03.08.2025
Oxunuş sayı: 630
