Xarici xəbərlər

Avropa Ukraynadan yeni qaçqın dalğasına hazırlaşır

Avropa qarşıdakı qışda Ukraynadan yeni kütləvi qaçqın axını ilə üzləşə biləcəyini nəzərə alaraq mümkün ssenarilərə hazırlaşır.

Crossmedia.az xəbər verir ki, “Berliner Zeitung” bu barədə məlumat yayıb. Nəşrin məlumatına görə, sərt qışın enerji infrastrukturuna zərbələrlə üst-üstə düşməsi Ukraynadan Avropaya gələnlərin sayını artıra bilər. BMT-nin Qaçqınlar üzrə Ali Komissarlığının məlumatına görə, ilin əvvəlində 5,9 milyondan çox ukraynalı ölkə xaricində olub və onların əksəriyyəti Avropada məskunlaşıb.

Məqalədə qeyd olunur ki, vəziyyətin daha da pisləşməsi Avropanın onsuz da böyük olan qaçqın böhranına əlavə yük yarada bilər. Nəşr həmçinin Avropa İttifaqına Ukraynadan gələn şəxslərlə bağlı miqrasiya və hərbi xidmət öhdəlikləri ətrafında yeni tələblərin müzakirə edildiyini yazır.

Bəzi Aİ ölkələrində miqrasiya xidmətlərinin hərbi xidmətə cəlb oluna bilən Ukrayna vətəndaşlarından müvafiq öhdəliklərdən yayınmadıqlarını təsdiqləyən sənədlər tələb etdiyi də bildirilir. Bu tələblərin xüsusilə hərbi xidmət öhdəliyi olan peşəkar tibb işçisi qadınlara da şamil edildiyi qeyd olunur.

Mövzular:

Avropa Ukrayna qaçqın BMT 59 milyon hərbi xidmət miqrasiya xidmətləri

🖨 Çap et

18:05 18.09.2026

Oxunuş sayı: 44