Estoniya Rusiya ilə sərhəddə fiziki maneələr qurur
Estoniya Rusiya ilə sərhəddə fiziki maneələr qurur.
Estoniyanın Narva şəhərində – Rusiya ilə sərhəd zonasında – yeni fiziki maneələrin qurulmasına başlanılıb.
Crossmedia.az xarici mətbuata istinadən xəbər verir ki, ərazidə tikanlı məftillər, “əjdaha dişləri” adlandırılan beton baryerlər, çıxarıla bilən metal sədlər və qapılar yerləşdirilib. Hazırda bu tədbirlər yalnız avtomobil yoluna şamil olunur, lakin piyada keçidi üçün də qapıların hazırlanması davam edir.
Bəzi mənbələr prosesin “Estoniya qəfəsin qapısını bağlayır” şərhi ilə ictimailəşdirildiyini qeyd edir. Maneələrin təhlükəsizlik məqsədilə qurulduğu bildirilir, lakin rəsmi qurumlardan bu addımın konkret səbəbləri ilə bağlı geniş izahat verilməyib.
Pərvin Hacıyeva
20:21 03.08.2025
Oxunuş sayı: 698
