Azərbaycan səfiri Mərakeşin nəqliyyat və logistika naziri ilə görüşüb
Azərbaycan Respublikasının Mərakeşdəki fövqəladə və səlahiyyətli səfiri Nazim Səmədov 2025-ci il iyulun 23-də Mərakeş Krallığının nəqliyyat və logistika naziri Abdessamad Kayuh ilə görüşüb.
Görüş zamanı diqqət mərkəzində Azərbaycan və Mərakeş arasında hökumətlərarası komissiyanın son iclası çərçivəsində imzalanmış logistika sahəsində çərçivə sazişinin icra vəziyyəti olunub. Tərəflər sənədin reallaşdırılması üçün müvafiq qurumlar arasında işçi qrupun yaradılması və atılacaq növbəti addımlar müzakirə edilib.
Bununla yanaşı, iki ölkə arasında viza rejiminin ləğv edilməsinin turizm sahəsində əməkdaşlığa ciddi təkan verdiyi qeyd olunub, birbaşa hava reyslərinin açılması ilə bağlı görülən işlər nəzərdən keçirilib.
Görüş çərçivəsində, həmçinin Azərbaycan və Mərakeşin regional və beynəlxalq nəqliyyat layihələrində fəal iştirakı vurğulanıb, bu sahədə mövcud potensial və gələcək əməkdaşlıq perspektivləri müzakirə edilib.
06:57 24.07.2025
Oxunuş sayı: 6299
