Azərbaycanlı tələbələr Çinin aparıcı universitetlərində təqaüdlə təhsil alacaqlar
Azərbaycan Respublikasının Elm və Təhsil Nazirliyi ilə Çin Xalq Respublikasının Təhsil Nazirliyi arasında təhsil sahəsində əməkdaşlıq haqqında Sazişə əsasən, 2025-2026-cı tədris ili üzrə Çinin nüfuzlu universitetlərində təhsil almaq hüququ qazanmış 43 nəfər Azərbaycan vətəndaşı müəyyən edilib.
Crossmedia.az Elm və Ali Təhsil üzrə Dövlət Agentliyindən bildirilən məlumata əsasən xəbər verir ki, yekun qərar nəticəsində seçilmiş tələbələr Şanxay Cao Tonq Universiteti, Şanxay Universiteti, Çjetszyan Universiteti, Çin Geoelmlər Universiteti, Nankin Elmlər və Texnologiya Universiteti, Uhan Universiteti, Siçuan Universiteti, Beynəlxalq Biznes və İqtisadiyyat Universiteti, Hubey Universiteti və digər nüfuzlu ali təhsil müəssisələrində təhsil alacaqlar.
Tələbələr bakalavriat (1 nəfər), magistratura (37 nəfər) və doktorantura (5 nəfər) səviyyələri üzrə beynəlxalq münasibətlər və idarəetmə, ətraf mühit mühəndisliyi, hüquq, kompüter elmləri, beynəlxalq ticarət, maliyyə, nəqliyyat mühəndisliyi, biznesin idarə edilməsi, mühasibat uçotu, təhsil nəzəriyyəsi və ekologiya kimi ixtisaslar üzrə təhsil alacaqlar.
10:50 04.07.2025
Oxunuş sayı: 908
