Milli Aviasiya Akademiyası və Ədliyyə nazirliyi arasında əməkdaşlıq
Cari ilin iyun ayında Milli Aviasiya Akademiyasının rektoru, akademik Arif Mir Cəlal oğlu Paşayev və Azərbaycan Respublikasının Ədliyyə naziri Fərid Əhmədov arasında birgə əməkdaşlıq haqqında Memorandum imzalanıb.
Crossmedia.az xəbər verir ki, Sazişdə MAA-da hüquqşünaslıq ixtisası üzrə təhsilalanların Ədliyyə Nazirliyinin struktur bölmələrində təcrübə keçmələri, könüllülər qismində işlə təmin olunmaları və s. məsələlər qeyd edilib.
Görüşdə akademik Arif Mir Cəlal oğlu Paşayev və nazir Fərid Əhmədov tərəfindən MAA-nın “İqtisadiyyat və hüquq” fakültəsinin il ərzində bilik və bacarıqları ilə fərqlənmiş, milli və beynəlxalq yarışlarda qalib olmuş tələbələr Amal Qorxmaz oğlu Əhmədov, İlahə Azər qızı Səmədova, Rəsul Rövşən oğlu Əliyev, Həmayil Qismət qızı Sadıqova və Həliməxatun Elnur qızı İsmayılovaya təşəkkürnamələr təqdim olunub.
10:17 03.07.2025
Oxunuş sayı: 8292
