Azərbaycan və Qırğızıstan aqrar sahədə əməkdaşlığı genişləndirmək istəyir
Azərbaycan və Qırğızıstan aqrar sahədə ikitərəfli əməkdaşlığı genişləndirmək üçün yaxşı perspektivlərə malikdir.
Crossmedia.az Qırğızıstan mətbuatına istinadən xəbər verir ki, bunu kənd təsərrüfatı naziri Məcnun Məmmədov Qırğızıstana rəsmi səfəri zamanı bildirib.
Nazir səfər çərçivəsində Çuy vilayətində bir sıra kənd təsərrüfatı müəssisələrinin fəaliyyəti ilə tanış olub. O, Altın Araşan və Araşan Malek fermalarına xüsusi diqqət yetirib. M.Məmmədov Azərbaycan və Qırğızıstan arasında aqrar sahədə ikitərəfli əməkdaşlığın genişləndirilməsi üçün geniş perspektivlərin olduğunu qeyd edib.
Nazir fermalarda tətbiq olunan müasir aqrotexnologiyaları, yerli şəraitə uyğunlaşdırılmış mal-qara cinslərini və heyvandarlıq sahəsində səmərəli metodları öyrənib.
"Qırğızıstanda yerli seleksiya yolu ilə yetişdirilmiş araşan qoyun cinsi nazirdə xüsusi maraq doğurub. Bu qoyun cinsi yüksək dözümlülüyü, regionun iqlim şəraitinə mükəmməl uyğunlaşması, sürətli çəki artımı, keyfiyyətli əti və qənaətli yem istehlakı ilə fərqlənir", - məlumatda qeyd olunub.
16:09 24.06.2025
Oxunuş sayı: 746
