Xarici xəbərlər

İsraildə Intel zavodunda partlayış: üç nəfər ağır yaralanıb

İsrailin Kiryat-Qat şəhərində yerləşən Intel müəssisəsində baş verən partlayış və yanğın nəticəsində üç nəfər ağır xəsarət alıb.

Crossmedia.az xəbər verir ki, bu barədə “Ynet” məlumat yayıb.

Məlumata görə, hadisə cənubi İsraildə yerləşən müəssisədə qeydə alınıb. Xəsarət alanlar xəstəxanaya çatdırılıb.

İsrailin Yanğınsöndürmə və Xilasetmə Xidmətinin bildirdiyinə görə, saat 14:12-də Avaç bulvarındakı müəssisədə partlayış və qatı qara tüstünün yayılması barədə məlumat daxil olub.

Hadisə yerinə səkkiz yanğınsöndürmə briqadası, o cümlədən təhlükəli maddələr üzrə ixtisaslaşmış mütəxəssislər cəlb edilib. Xilasedicilər binanın daxilində köməksiz vəziyyətdə qalan şəxslərin olub-olmadığını yoxlayıb və yanğının yayılmasının qarşısını almağa çalışıblar.

Partlayışın səbəbləri və ərazidə təhlükəli maddələrin olub-olmaması araşdırılır.

Mövzular:

İsrail Intel Kiryat-Qat partlayış yanğın ağır yaralananlar xilasedicilər

🖨 Çap et

20:18 14.10.2026

Oxunuş sayı: 127