Azərbaycan səfiri Ekvador Prezidenti ilə görüşüb
Azərbaycanın Ekvadordakı səfiri Rəşad Novruz dövlət başçısı kimi and içmiş ölkə Prezidenti Daniel Noboa ilə görüşüb. Azərbaycanlı diplomat bu barədə “X” sosial şəbəkəsindəki səhifəsində yazıb. "Ekvador Prezidenti Daniel Noboa və vitse-prezident Mariya Xose Pinto ilə görüşməkdən böyük şərəf duydum", - səfir qeyd edib. O, həmçinin əlavə edib ki, Ekvador rəhbərinə Azərbaycan Prezidenti İlham Əliyevin təbriklərini və iki ölkə arasında əlaqələrin genişləndirilməsi niyyətini çatdırıb.
Xatırladaq ki, aprelin 13-də Ekvadorda prezident seçkilərinin ikinci turu keçirilib. Milli Seçki Şurası hazırkı dövlət başçısı Daniel Noboanı qalib elan edib. Protokolların 99,47 %-nin sayılmasından sonra dərc edilən məlumatlara görə, seçicilərin 55,60 %-i ona, 44,40 %-i isə rəqibi Luis Qonzalesə səs verib.
09:42 25.05.2025
Oxunuş sayı: 9146
