Azərbaycanda helikopter meydançalarına dair tələblər təsdiq edilib
Nazirlər Kabineti “Helikopter meydançalarının layihələndirilməsinə, tikintisinə və texniki göstəricilərinə dair digər tələblər”i təsdiq edib. Bununla bağlı Baş nazir Əli Əsədov yeni qərar imzalayıb.
Qərara əsasən, tələblər “Aviasiya haqqında” qanuna uyğun hazırlanıb. Onlarla tənzimlənməyən məsələlər qanuna, həmçinin Şəhərsalma və Tikinti Məcəlləsinə, “Beynəlxalq Mülki Aviasiya haqqında” 7 dekabr 1944-cü il tarixli Konvensiyaya və bu konvensiyaya 14 nömrəli Əlavəyə, Beynəlxalq Mülki Aviasiya Təşkilatının beynəlxalq standartlarına və tövsiyə olunan təcrübəsinə, “Doc 9137 7-ci hissə, hava limanının fövqəladə vəziyyətinin planlaşdırılması” və ya “Doc 9261, dənizdə qurulan helikopter meydançasının təlimatı” sənədlərinə uyğun həyata keçirilir.
17:41 08.05.2025
Oxunuş sayı: 774
