“Dəfn üçün birdəfəlik müavinət təyinatı zamanı ölüm haqqında məhkəmə arayışı tələb olunmur”- Rəsmi
Qanunvericiliyə əsasən dəfn üçün birdəfəlik müavinət dövlət qulluqçularına ömürlük, yaşa, əlilliyə və ailə başçısını itirməyə görə verilən müavinətlərdən biri təyin edilmiş, işsizlikdən sığorta ödənişini alan, sığortaolunan şəxslər və əmək pensiyaçıları vəfat etdikdə təyin edilir.
Bu barədə Crossmedia.az-ın sorğusuna cavab olaraq Əmək və Əhalinin Sosial Müdafiəsi Nazirliyindən bildirilib.
Qeyd olunub ki, müavinət müraciət etmə müddətindən asılı olmayaraq şəxsin ölümü ilə əlaqədar onun dəfni ilə bağlı xərcləri çəkmiş şəxslərə təyin edilib ödənilir: “Həmin müavinətin təyin edilməsi üçün müraciət edən şəxs şəxsiyyət vəsiqəsinin surəti, vəfat etmiş şəxsin ölüm haqqında şəhadətnaməsinin surəti, dəfn müavinətinin alınması üçün Ədliyyə Nazirliyinin rayon (şəhər) qeydiyyat şöbəsinin arayışı, dəfni təşkil edən şəxs barədə yerli icra hakimiyyəti başçısının inzibati ərazi dairəsi üzrə nümayəndəsinin və ya bələdiyyənin arayışı. Göründüyü kimi, dəfn üçün birdəfəlik müavinət təyinatı zamanı ölüm haqqında məhkəmə arayışının tələb olunması barədə qeyd edilənlər doğru deyil”.
Kənan Novruzov
20:23 30.04.2025
Oxunuş sayı: 1143
