BMT rəsmisi: Qlobal Cənub QHT Platforması müstəmləkəçiliyə qarşı birgə mübarizə müstəvisidir
Qlobal Cənub QHT Platforması Qlobal Cənubun üzləşdiyi ədalətsizliyə - yoxsulluq, iqlim dəyişmələrinin fəsadları, müstəmləkəçilik keçmişi, rəqəmsal uçurum, ticarət bərabərsizliyi və digər məsələlərə qarşı birgə səylərlə mübarizə aparmaq platformasıdır.
Bunu Baş QHT Şöbəsi, BMT DESA İqtisadi və Sosial Məsələlər departamentinin nümayəndəsi Vuk Cin-Çanq (Wook-Jin Chang) Bakıda keçirilən Qlobal Cənub QHT Platformasının təsis konfransında deyib.
O bildirib ki, Azərbaycan bu gün icmaların sıx əməkdaşlığına və səylərin səfərbər edilməsinə mühüm töhfə verir:
"2030-cü ildən bizi beş il ayırır. Dayanıqlı inkişaf yolunda getmək üçün vaxt azalır. Biz birlikdə güclüyük. Dəyişiklikləri gözləməyək, onun önündə gedək. Qlobal Cənub QHT Platforması bu strateji coğrafiyada ölkələrin üzləşdikləri problemlərin beynəlxalq səviyyəyə çıxarılmasına və onların həllinə əmək sərf edir. Platforma BMT də daxil olmaqla, beynəlxalq təşkilatlarda vahid mövqedən çıxış etməyi, qlobal koordinasiyanı həyata keçirməyi nəzərdə tutur". (report)
10:52 28.04.2025
Oxunuş sayı: 11467
