Biləsuvarda şəhid Camal İsgəndərovun xatirəsinə inşa edilən kompleksin açılışı olub
Biləsuvar rayonunun Bəydili kəndində I Qarabağ müharibəsi şəhidi Camal İsgəndərovun adının əbədiləşdirilməsi münasibətilə inşa edilmiş xatirə kompleksinin açılışı olub.
Tədbirdə rayon rəsmiləri, müharibə veteranları və ictimaiyyət nümayəndələri iştirak ediblər.
Torpaqlarımızın azadlığı uğrunda qəhrəmancasına şəhid olan Vətən oğullarının xatirəsi bir dəqiqəlik sükutla anıldıqdan sonra söz tədbir iştirakçılarına verilib.
Çıxış edənlər şəhid Camal İsgəndərovun I Qarabağ müharibəsində göstərdiyi qəhrəmanlıqdan, keçdiyi şərəfli döyüş yolundan söz açıblar.
Tədbirdə məktəblilər Vətənə, Orduya, şəhidlərimizə həsr olunan şeirlər söyləyiblər.
Şəhidin doğmaları və yaxınları göstərilən diqqət və qayğıya görə qonaqlara təşəkkürlərini, ölkə rəhbərliyinə minnətdarlığlarını ifadə ediblər.
Qeyd edək ki, Azərbaycan Ordusunun əsgəri olan şəhid İsgəndərov Camal Sultan oğlu 1974-cü ildə Biləsuvar rayonunun Bəydili kəndində anadan olub. 1992-ci ildə Bəydili kənd tam orta məktəbini bitirib və həmin ildə Biləsuvar Rayon Hərbi Komisarlığı tərəfindən hərbi xidmətə çağrılıb. Camal Kəlbəcər rayonu uğrunda gedən qanlı döyüşlərdə qəhrəmancasına şəhid olub. Ölümündən sonra adı əbədiləşdirilərək Bəydili kəndinin mərkəzi küçələrindən birinə verilib. (report)
18:55 15.04.2025
Oxunuş sayı: 6557
