İsrail səfiri Azərbaycana təşəkkür etdi
İsrailin Azərbaycandakı səfiri Corc Dik Holokost qurbanlarının xatirəsini qoruduğuna görə Azərbaycan xalqına minnətdarlığını bildirib.
Crossmedia.az xəbər verir ki, bu barədə Corc Dik özünün “X” sosial şəbəkəsindəki hesabında yazıb.
“Azərbaycan, bu mühüm anım gününü bizimlə qeyd etdiyiniz üçün təşəkkür edirəm.
Bu gün biz də nasizmə qarşı mübarizədə canlarından keçmiş 300 min azərbaycanlının xatirəsini ehtiramla yad edirik.
Biz yəhudi icmasının təhlükəsizliyinin təmin edilməsinə və yəhudilərin həmişə özlərini evdəki kimi hiss etmələri üçün şəraitin yaradılmasına görə Azərbaycanın sarsılmaz sadiqliyini dərin hörmətlə qeyd edirik.
Biz “Bir daha heç vaxt” prinsipinə, sadiqliyinə və xalqlarımız arasında möhkəm dostluğa görə Azərbaycana səmimi təşəkkürümüzü bildiririk.
Azərbaycan xalqının İsrailə qarşı, xüsusilə son bir ildə göstərdiyi mərhəmət və həmrəyliyə görə xüsusi minnətdarlıq ifadə edirik. Bu bizim qəlbimizə toxunur”, - o bildirib.
22:10 27.01.2025
Oxunuş sayı: 4010
