İdman

Kilian Mbappe keçmiş klubu PSJ-yə 60 min avro ödəməli olacaq

İspaniya təmsilçisi "Real"ın hücumçusu Kilian Mbappe keçmiş klubu PSJ-yə 60 min avro ödəməli olacaq.

Crossmedia.az xəbər verir ki, bu barədə "L'Equipe" məlumat yayıb.

Paris Apellyasiya Məhkəməsi bu məbləğin 2025-ci ildə PSJ-nin bank hesablarına həbs qoyulması ilə bağlı kompensasiya kimi ödənilməsinə qərar verib.

Qeyd edək ki, Mbappe 2024-cü ilin avqustunda PSJ-dən "Real"a keçib. Bundan sonra fransalı hücumçu Paris klubuna qarşı 60 milyon avroluq iddia qaldıraraq, ona müqavilə üzrə nəzərdə tutulan bonus və mükafatların ödənilmədiyini bildirib.

2025-ci ilin aprelində Mbappenin vəkillərinin müraciəti əsasında Liqa 1 təmsilçisinin bank hesablarına təminat tədbiri kimi həbs qoyulub. Hesablar aprelin 10-dan mayın 25-dək bloklanıb.

Dekabrda məhkəmə PSJ-nin Mbappeyə 61 milyon avroya yaxın vəsait ödəməli olduğuna qərar verib.

🖨 Çap et

10:42 16.09.2026

Oxunuş sayı: 49