Manchester United-da baş məşqçi dəyişikliyi gözlənilir: namizədlər açıqlandı
“Manchester United” rəhbərliyinin mövsümün uğursuz nəticələrindən sonra baş məşqçi Michael Carricklə yolları ayırmağı nəzərdən keçirdiyi bildirilir.
Crossmedia.az xəbər verir ki, bu barədə “The Guardian” məlumat yayıb.
Məlumata görə, klubun futbol direktoru Jason Wilcox və baş icraçı direktoru Omar Berrada Carrickin vəzifəsindən azad edilməsini tövsiyə etməyə hazırlaşırlar. Onların bu məsələni klubun həmsahibi Jim Ratcliffe ilə müzakirə edəcəyi gözlənilir.
Nəşrin yazdığına görə, ABŞ millisinin baş məşqçisi Mauricio Pochettino bu vəzifəyə əsas namizədlərdən biri hesab olunur. Eddie Howe də klub rəhbərliyinin diqqətindədir. Digər mümkün namizədlər sırasında Julian Nagelsmann və Kieran McKenna da göstərilir.
Bununla belə, Michael Carrickin gələcəyi ilə bağlı yekun qərar hələ verilməyib. “Sky Sports”un məlumatına əsasən, klub rəhbərliyi qərarı noyabr fasiləsi başa çatmamış verməyi planlaşdırır.
16:53 10.11.2026
Oxunuş sayı: 96
