Rusiyada yanacaq bazarındakı vəziyyət nəzarət altındadır – Nazir müavini
Rusiyanın yanacaq bazarında vəziyyət mürəkkəb olsa da, tam nəzarət altında saxlanılır.
Crossmedia.az xəbər verir ki, bunu Rusiya energetika nazirinin müavini Pavel Sorokin yanacaq məsələləri üzrə qərargahın iclasından sonra açıqlamasında bildirib.
Onun sözlərinə görə, iclasda əsas diqqət kənd təsərrüfatı istehsalçılarının neft məhsulları ilə təminatı, şimal bölgələrinə yanacaq çatdırılması, eləcə də Sibir və Uzaq Şərq regionlarının təchizatı məsələlərinə yönəldilib.
Sorokin bildirib ki, yanacaq təminatında yarana biləcək problemlər tam təhlil olunub və operativ həll yolları müəyyənləşdirilib.
“Əhalinin və regionların iqtisadiyyatının qarşılaşa biləcəyi çətinliklərin qarşısını almaq üçün əlavə yanacaq həcmlərinin çatdırılması ilə bağlı qərarlar qəbul edilib”, – deyə nazir müavini qeyd edib.
O əlavə edib ki, görülən tədbirlərin nəticələri növbəti iclaslarda izləniləcək.
17:38 29.07.2026
Oxunuş sayı: 40
