KİV: Fransa Türkiyəyə SAMP/T satışı ilə bağlı mövqeyini yumşaldıb
Fransa Türkiyəyə SAMP/T hava hücumundan müdafiə sisteminin satışı məsələsində mövqeyini yumşaldıb.
Crossmedia.az xəbər verir ki, bu barədə Reuters agentliyi məlumat yayıb.
Mənbələrin bildirdiyinə görə, Paris bir neçə il davam edən siyasi tərəddüddən sonra Ankara ilə daha məzmunlu danışıqlara başlamağa hazırdır.
Məlumata əsasən, mövqedəki dəyişiklik iyunun 25-də Fransa Prezidenti Emmanuel Makron ilə İtaliyanın Baş naziri Corcia Meloni arasında keçirilən görüşdən sonra baş verib. Bununla belə, danışıqların hələ ilkin mərhələdə olduğu qeyd edilir.
Türkiyə SAMP/T sistemini milli Steel Dome hava və raketdən müdafiə sisteminin yaradılması üçün əldə etmək istəyir. Ankara eyni zamanda ABŞ istehsalı olan Patriot sistemini də nəzərdən keçirir, lakin texnologiya transferi və birgə istehsal şərtlərinə üstünlük verir.
Qeyd olunur ki, layihə daha əvvəl Fransa ilə Türkiyə arasında Suriya, Liviya, Şərqi Aralıq dənizi, Yunanıstan və Kipr məsələlərində mövcud fikir ayrılıqları səbəbindən ləngiyirdi.
Gözlənilir ki, Makron və Türkiyə Prezidenti Rəcəb Tayyib Ərdoğan bu məsələni NATO sammiti çərçivəsində keçiriləcək görüşdə müzakirə edəcəklər.
17:39 06.07.2026
Oxunuş sayı: 47
