Lukaşenko: Belarus hərbçiləri Ukraynaya göndərilməyəcək
Belarus Prezidenti Aleksandr Lukaşenko ölkə hərbçilərinin Ukrayna ərazisindəki müharibəyə göndərilməyəcəyini təsdiqləyib.
Crossmedia.az xəbər verir ki, o, bu barədə ali hərbi məktəblərin məzunları və yüksək zabit heyətinin təltifetmə mərasimində çıxışı zamanı bildirib.
Lukaşenko vurğulayıb ki, Belarus hərbçiləri döyüş bölgəsinə göndərilməyəcək.
"Heç kim sizi bu qırğına göndərməyəcək. Bizə müharibə lazım deyil. Ukraynada müharibənin getməsi pisdir. Biz problemlərin sülh yolu ilə həllinin tərəfdarıyıq. Biz sülhpərvər xalqıq, döyüşmək istəmirik, amma düşmən qarşısında da baş əymək niyyətində deyilik", – deyə Belarus Prezidenti bildirib.
17:13 06.07.2026
Oxunuş sayı: 268
