Rusiya ordusunda “mühasirə qorxusu” ön plana çıxır
Ukrayna Silahlı Qüvvələrinin ehtiyat şurasının rəhbəri İvan Timoçko bildirib ki, Rusiya hərbçiləri hazırda əmrlərdən daha çox mühasirəyə düşmək ehtimalından narahatdır.
Crossmedia.az xəbər verir ki, bu barədə UNİAN məlumat yayıb.
Onun sözlərinə görə, Ukrayna qüvvələrinin işğal olunmuş cənub ərazilərində Rusiya logistikasına endirdiyi zərbələr 2022-ci ildə planlaşdırılan “quru dəhliz” strategiyasını zəiflədib.
O qeyd edib ki, Rusiya qüvvələri Krımın təchizatını qorumaq və ordunun təminatını davam etdirmək üçün mühüm marşrutlardan istifadə edirdi. Lakin bu xətlərə edilən hücumlar vəziyyəti çətinləşdirib.
Timoçko həmçinin bildirib ki, Azov dənizi bölgəsində və cəbhə xəttinin müxtəlif istiqamətlərində təchizatın zəifləməsi Rusiya ordusu üçün ciddi problemlər yaradır.
Onun sözlərinə görə, yanacaq, silah-sursat və ərzaq təminatının pozulması hərbi qruplaşmaların döyüş qabiliyyətinə birbaşa təsir göstərir.
21:57 21.06.2026
Oxunuş sayı: 57
