Gürcüstanın strateji gözləntiləri: Baydenin vidalaşması və Trampın planları
Gürcüstanda cari siyasi vəziyyət və ölkənin xarici siyasətindəki gözləntilər, əsasən, ABŞ-dakı hakimiyyət dəyişikliyindən asılı görünür. ABŞ-ın hazırkı prezidenti Cozef Baydenin rəhbərlik etdiyi administrasiya beynəlxalq siyasətdə sərt addımlarla yadda qalmağa davam edir.
Mövzu ilə bağlı politoloq Əziz Əlibəyli Crossmedia.az-a açıqlama verib.
Onun sözlərinə görə: “Gürcüstanda indiki vəziyyətdə böyük ölçüdə ümidlər və gözləntilər hökumətin ciddi şəkildə savaşa getməsinin əsas səbəbi Baydenin vidalaşması faktoruna söykənir. Əlbəttə ki, Donald Tramp gələnə qədərki dövrdə aralıq mərhələ kimi Qərbin və Amerikanın narahatlıqlarına Ukrayna hökuməti belə görünür ki, dözmək niyyətindədir. Lakin bu prosesin yanvarın 20-dən sonra da davam edib-etməyəcəyi məlum deyil”.
“Reallıqlar göstərir ki, Bayden sanksiyala tətbiq etsə belə, qarşıdakı aylarda onların aradan qaldırılmasına Amerika Donald Trampın simasında yenidən baxa bilər. Bununla belə, gözlənilən odur ki, Gürcüstanın strateji baxışı Rusiya ilə münasibətləri yaxşılaşdırmaq və ərazi problemlərini həll etmək üzərində qurulub”,- deyə Əziz Əlibəyli qeyd edib.
Fidan Hacızadə
08:56 18.12.2024
Oxunuş sayı: 8607
