Xarici xəbərlər

Tramp İran siyasətini Obama dövrü ilə müqayisə edib

ABŞ prezidenti Donald Tramp Hörmüz boğazı yaxınlığında SEPAH-a məxsus katerlər və hərbi bazalara ABŞ Mərkəzi Komandanlığının hücumu ilə bağlı xəbərlərin yayılmasından bir neçə saat sonra “Truth Social” platformasında diqqətçəkən karikatura paylaşıb.

Crossmedia.az bu barədə xarici mediaya istinadən xəbər verir.

Paylaşımda Tramp keçmiş prezident Barak Obama administrasiyasının İran siyasətini tənqid edib və öz yanaşması ilə müqayisə aparıb.

Karikaturada İran raketləri ilə üz-üzə qalan dollarlarla dolu palet və ABŞ hərbi esminesi təsvir olunub. Tramp bu görüntü vasitəsilə Obama dövründə İrana maliyyə güzəştlərinin edildiyini, öz hakimiyyəti dövründə isə Tehrana qarşı hərbi və sərt siyasətin tətbiq olunduğunu göstərməyə çalışıb.

Şəkildə “Obamanın İran siyasəti” başlığı altında İrana pul ödənişi təsvir edilir, “Trampın İran siyasəti” hissəsində isə ABŞ-nin İrana qarşı hərbi güc tətbiq etdiyi nümayiş etdirilir.

🖨 Çap et

11:20 26.05.2026

Oxunuş sayı: 52