Xarici xəbərlər

ABŞ İrana zərbələr endirib

ABŞ hərbi qüvvələri İranın cənubunda yerləşən bir sıra hədəflərə özünümüdafiə məqsədilə zərbələr endirib.

Crossmedia.az xəbər verir ki, bu barədə “Fox News” telekanalı ABŞ Mərkəzi Komandanlığına (CENTCOM) istinadən məlumat yayıb.

Məlumata görə, zərbələrin hədəfi raket buraxılış məntəqələri və mina yerləşdirməyə çalışan qayıqlar olub.

CENTCOM-un sözçüsü Tim Hokins bildirib ki, ABŞ ordusu hazırkı atəşkəs şəraitində təmkin nümayiş etdirməyə davam edir. Bununla belə, bölgədə yerləşən Amerika qüvvələrinin təhlükəsizliyinin təmin olunması üçün zəruri addımlar atılacaq.

Bundan əvvəl “Mehr” agentliyi İranın cənubundakı Bəndər Abbas limanı ətrafında partlayış səslərinin eşidildiyini xəbər vermişdi.

Eyni zamanda, İsfahan, Babul və Əndimeşk şəhərlərində də partlayış səsləri və hava hücumundan müdafiə sistemlərinin fəaliyyəti barədə məlumatlar yayılıb.

🖨 Çap et

09:43 26.05.2026

Oxunuş sayı: 252