Xarici xəbərlər

Rubio: ABŞ İranla diplomatiyaya şans vermək istəyir

ABŞ dövlət katibi Marko Rubio İranla bağlı son açıqlamasında Vaşinqtonun diplomatik həll yoluna üstünlük verdiyini bildirib.

Crossmedia.az bu barədə xarici mediaya istinadən xəbər verir.

Rubio qeyd edib ki, hazırda İranla nüvə məsələləri və Hörmüz boğazı ilə bağlı real, vacib və vaxt məhdudiyyətli danışıqlar üçün imkanlar mövcuddur. Onun sözlərinə görə, bu təşəbbüs Körfəz regionu da daxil olmaqla beynəlxalq səviyyədə dəstək görür.

ABŞ prezidenti Donald Tramp administrasiyasının mövqeyinə toxunan Rubio bildirib ki, Vaşinqton zəif və ya əlverişsiz razılaşmanı qəbul etməyəcək.

“Prezident pis razılaşmaya getməyəcək. Görək nə baş verəcək”, – deyə dövlət katibi vurğulayıb.

O əlavə edib ki, ABŞ diplomatiyaya uğur şansı vermək üçün bütün imkanlardan istifadə edəcək, lakin nəticə əldə olunmasa alternativ addımlar da istisna edilmir.

🖨 Çap et

16:10 25.05.2026

Oxunuş sayı: 43