Vaşinqtonda Ağ Evin yaxınlığında silahlı insident baş verib
ABŞ-nin paytaxtı Vaşinqtonda Ağ Evin yaxınlığında silahlı insident baş verib.
Crossmedia.az xəbər verir ki, məlumata görə, 21 yaşlı bir şəxs Məxfi Xidmət əməkdaşlarına atəş açıb. Hadisə zamanı təhlükəsizlik qüvvələrinin cavab atəşi nəticəsində hücumçu öldürülüb.
İnsident zamanı bir neçə əməkdaş yaralansa da, onların xəstəxanaya yerləşdirilməsinə ehtiyac olmayıb. Bildirilir ki, hadisə zamanı ümumilikdə 30-a yaxın atəş açılıb. Ağ Ev ərazisində çalışan jurnalistlər təhlükəsizlik məqsədilə təcili şəkildə mətbuat brifinqi otağına köçürülüblər.
Hadisə baş verən vaxt ABŞ Prezidenti Donald Tramp Ağ Evin daxilində olub. Onun xəsarət almadığı bildirilib.
Media məlumatlarına əsasən, atəş açan şəxsin əvvəllər Ağ Evə qanunsuz daxil olmağa cəhd etdiyi üçün saxlanılmış Nesir Best olduğu iddia edilir. Həmçinin onun ruhi problemlərdən əziyyət çəkdiyi və özünü İsa Məsih adlandırdığı qeyd olunur.
Hadisə ilə bağlı araşdırma aparılır.
12:00 24.05.2026
Oxunuş sayı: 54
