Xarici xəbərlər

Pezeşkian: Xorrəmşəhr bu gün Hörmüzdür

İran prezidenti Məsud Pezeşkian Xorrəmşəhrin azad edilməsinin ildönümü münasibətilə paylaşım edərək Fars körfəzi və Hörmüz boğazı ilə bağlı diqqətçəkən mesaj verib.

Crossmedia.az xəbər verir ki, Pezeşkian “X” sosial şəbəkəsində yazıb:

“Bu gün Xorrəmşəhr İran, Fars körfəzi və Hörmüz boğazıdır”.

İran prezidenti bildirib ki, bu gün ölkə xalqı vaxtilə təcavüzkara qarşı mübarizə apararaq İran xalqının gücünü və dözümlülüyünü nümayiş etdirən Xorrəmşəhr müdafiəçilərinin davamçılarıdır.

O vurğulayıb ki, müqavimət, fədakarlıq və təcavüzə qarşı dayanmaq İran xalqının siyasi və milli mədəniyyətində dərin kök salmış anlayışlardır.

Qeyd edək ki, İranda bu gün 1980–1988-ci illər İran–İraq müharibəsi zamanı Xorrəmşəhrin azad edilməsinin ildönümü münasibətilə “Müqavimət, fədakarlıq və qələbə günü” kimi qeyd olunur.

🖨 Çap et

11:25 24.05.2026

Oxunuş sayı: 49