Xarici xəbərlər

İran ABŞ-ni NPT konfransını uğursuzluğa uğratmaqda ittiham etdi

İran ABŞ-ni Nyu-Yorkda keçirilən Nüvə Silahlarının Yayılmaması haqqında Müqavilənin (NPT) İcmal Konfransının nəticəsiz başa çatmasına səbəb olmaqda ittiham edib.

Crossmedia.az bu barədə xarici mediaya istinadən xəbər verir.

İranın Birləşmiş Millətlər Təşkilatı yanında daimi nümayəndəliyinin yaydığı bəyanatda bildirilib ki, Vaşinqtonun və onun müttəfiqlərinin həddindən artıq iddialı tələbləri səbəbindən toplantı ardıcıl üçüncü dəfə yekun sənəd qəbul edilmədən başa çatıb.

Tehran vurğulayıb ki, nüvə tərksilahı olmadan NPT-nin gələcəyi mümkün deyil”\ və müqavilənin əsas məqsədlərinin yerinə yetirilməsi üçün nüvə dövlətlərinin konkret addımlar atmalı olduğunu bəyan edib.

Konfransın sədri, Do Hunq Viet də iştirakçı ölkələrin yekun sənəd üzərində razılığa gələ bilmədiyini təsdiqləyib.

Qeyd edək ki, konfrans aprelin 27-dən etibarən müqaviləyə tərəf olan təxminən 191 ölkənin iştirakı ilə keçirilirdi.

🖨 Çap et

10:55 24.05.2026

Oxunuş sayı: 59