Ebola epidemiyası nəzarətdən çıxır
Konqo Demokratik Respublikasında Ebola epidemiyası nəzarətdən çıxır.
Crossmedia.az "Bloomberg"-ə istinadən xəbər verir ki, səhiyyə rəsmiləri yoluxmuş şəxslərlə təmasda olan hər beş nəfərdən yalnız birini testdən keçirir.
Mayın 21-nə qədər ölkədə 83 yoluxma halı təsdiqlənib, daha 746 nəfər şübhəli hesab olunur.
Yoluxmuş şəxslərlə təmasda olan 1600-dən çox insan izlənilir, lakin səhiyyə rəsmiləri onlardan yalnız 342-sini bir gündə testdən keçirə biliblər.
Ümumdünya Səhiyyə Təşkilatı(ÜST) artıq epidemiyanı beynəlxalq narahatlıq doğuran ictimai səhiyyə fövqəladə vəziyyəti elan edib.
Bu, regionda ilk böyük Ebola epidemiyası deyil. 2014-2016-cı illərdə Qərbi Afrikada ən ölümcül epidemiya 11.000-dən çox insanın həyatına son qoyub.
19:28 23.05.2026
Oxunuş sayı: 369
