ABŞ İrana qarşı yeni hərbi zərbələri nəzərdən keçirir
Donald Tramp administrasiyası diplomatik danışıqlar davam etsə də, İrana qarşı mümkün yeni hərbi əməliyyat variantlarını müzakirə edir.
Crossmedia.az xəbər verir ki, CBS News telekanalının məlumatına görə, cümə günü günortadan sonra məsələ ilə bağlı yekun qərar qəbul edilməyib. Bununla belə, ABŞ-nin hərbi və təhlükəsizlik strukturlarında hazırlıq səviyyəsinin artırıldığı bildirilir.
Qeyd olunur ki, ABŞ ordusu və kəşfiyyat qurumlarının bəzi əməkdaşlarının həftəsonu məzuniyyətləri ləğv edilib. Müdafiə strukturları isə xaricdə yerləşən hərbi bazalar üzrə hazırlıq planlarını yeniləyib.
Ağ Evin sözçüsü Anna Kelli CBS telekanalına açıqlamasında bildirib ki, Donald Tramp İranın nüvə silahı əldə etməsinə və uranı zənginləşdirməsinə imkan verilməyəcəyini dəfələrlə vurğulayıb.
15:03 23.05.2026
Oxunuş sayı: 53
