Xarici xəbərlər

SEPAH ilə əlaqəli şəxs İvanka Trampa sui-qəsd planlaşdırıb

Türkiyədə saxlanılan İraq vətəndaşı Məhəmməd Bəkr əs-Sədi ABŞ-nin keçmiş prezidenti Donald Trampın qızı İvanka Trampa qarşı sui-qəsd planlaşdırmaqda ittiham olunur.

Crossmedia.az xəbər verir ki, “New York Post” nəşrinin yaydığı məlumata görə, iddialara əsasən, əs-Sədinin məqsədi ABŞ tərəfindən 2020-ci ildə öldürülən İran İnqilab Keşikçiləri Korpusunun (“SEPAH”) “Qüds” qüvvələrinin komandanı Qasım Süleymaninin ölümünün qisasını almaq olub.

Məlumatda bildirilir ki, saxlanılan şəxsin üzərindən İvanka Trampın Floridadakı evinin xəritəsi tapılıb. Həmçinin onun Tramp ailəsinə qarşı müxtəlif təhdidlər səsləndirdiyi iddia edilir.

ABŞ Ədliyyə Nazirliyi isə Məhəmməd Bəkr əs-Sədinin İranla əlaqəli strukturlarla bağlantısının olduğunu və Amerika ilə yəhudi hədəflərinə qarşı planlaşdırılan bir sıra hücumlarda iştirak etdiyini açıqlayıb.

🖨 Çap et

15:10 23.05.2026

Oxunuş sayı: 47