Qızılgüllərdən başlayan böhran böyüyür: Ermənistan ixracında yeni QADAĞALAR
Ermənistanın kənd təsərrüfatı məhsullarının Rusiya bazarına ixracı ilə bağlı yeni məhdudiyyətlər tətbiq edilib.
Crossmdeia.az xarici mediaya istinadən xəbər verir ki, Rusiya Federal Baytarlıq və Fitosanitar Nəzarət Xidməti – Rosselxoznadzor bəzi məhsullarda fitosanitar qaydaların pozulduğunu əsas gətirərək yoxlamaları genişləndirib və yeni məhdudiyyətlərin tətbiq olunduğunu açıqlayıb.
Məlumata görə, əvvəlcə Ermənistanın gül ixracına məhdudiyyətlər qoyulmuşdu, daha sonra isə meyvə və tərəvəz məhsullarında da problemlərin aşkarlandığı bildirilib. Bu səbəbdən bir sıra ixrac partiyalarının Rusiyaya göndərilməsi çətinləşib.
Rəsmi qurumlar bu addımları fitosanitar nəzarətin gücləndirilməsi kimi izah edir.
Bununla yanaşı, Ermənistanda bəzi siyasi dairələr bu məhdudiyyətlərin ölkənin daxili iqtisadi vəziyyətinə və xüsusilə kənd təsərrüfatı sektoruna təsir göstərə biləcəyini bildirir.
Mövzu parlament seçkiləri ərəfəsində ictimai müzakirələrə səbəb olub. Ermənistanın Baş naziri Nikol Paşinyan rəhbərlik etdiyi hökumət isə ixrac bazarlarının sabitliyinin qorunmasının vacibliyini vurğulayır.
16:41 22.05.2026
Oxunuş sayı: 41
