Fidan: Hörmüz boğazı müharibə silahına çevrilməməlidir
Türkiyənin xarici işlər naziri Hakan Fidan bildirib ki, Hörmüz boğazı hərbi münaqişələrdə təzyiq aləti və ya silah kimi istifadə edilməməlidir.
Crossmedia.az bu barədə xarici mediaya istinadən xəbər verir.
Türkiyənin xarici işlər naziri bu fikirləri Qətərin paytaxtı Dohаda keçirilən mətbuat konfransında Qətər Xarici İşlər Nazirliyi rəsmisi ilə görüşdən sonra səsləndirib.
Fidan qeyd edib ki, Ankara, həmçinin Pakistanın İran və ABŞ arasında mümkün gərginliyin diplomatik yolla həlli istiqamətində göstərdiyi vasitəçilik səylərini dəstəkləyir.
O vurğulayıb ki, bölgədə enerji təhlükəsizliyi və ticarət axınları üçün həyati əhəmiyyət daşıyan Hörmüz boğazında sabitliyin qorunması beynəlxalq prioritet olmalıdır.
16:18 12.05.2026
Oxunuş sayı: 51
