Azərbaycan hərbçiləri "EFES - 2026"da paraşüt tullanışlarını icra ediblər
Azərbaycan Ordusunun bir qrup hərbi qulluqçusunun iştirakı ilə Türkiyədə keçirilən "EFES - 2026" çoxmillətli təlimində növbəti tapşırıqlar uğurla icra olunub.
Crossmedia.az xəbər verir ki, bu barədə Müdafiə Nazirliyindən məlumat verilib.
Bildirilib ki, Azərbaycan, Türkiyə və Macarıstanlı hərbçilər tərəfindən paraşüt hazırlığı üzrə müxtəlif tapşırıqlar praktiki yerinə yetirilib.
Müxtəlif yüksəkliklərdən paraşüt tullanışları zamanı iştirakçı ölkələrin və "EFES-2026" təliminin bayrağı daxil olmaqla ümumilikdə 53 bayraq Türkiyə səmasında dalğalandırılıb.
Qeyd edək ki, Azərbaycanın hərbi qulluqçuları digər iştirakçılarla birgə qarşıya qoyulan tapşırıqları müvəffəqiyyətlə yerinə yetiriblər.
15:23 12.05.2026
Oxunuş sayı: 44
![Doqquzuncu “ANİMAFİLM” Beynəlxalq Animasiya Festivalı başlayır 12.05.2026 [12:46] Çap et A+ A-](https://crossmedia.az/storage/news/2026_05_12/17785756234640833378_1200x630_1778576543-600x300.jpg)
