Urmiya gölündə su səviyyəsi 6 ilin ən yüksək həddinə çatıb
Urmiya gölündə su səviyyəsi son illərin ən yüksək göstəricisinə çatıb.
Crossmedia.az xəbər verir ki, bu barədə məlumatı xarici media yayıb.
Qərbi Azərbaycan əyalətinin rəhbəri Rza Rəhmani bildirib ki, son aylarda gölə təxminən 30 milyon kubmetr su daxil olub və nəticədə səviyyə son 6 ilin ən yüksək həddinə yüksəlib.
Məlumata görə, bu artıma kanalların təmizlənməsi, gölün su təchizatının yaxşılaşdırılması, ətraf bataqlıqların su ilə doldurulması və əlverişli yağıntılar səbəb olub.
Rəsmilər həmçinin vurğulayır ki, gölün su idarəçiliyində, xüsusilə kənd təsərrüfatı sahəsində islahatların davam etdirilməsi vacibdir.
Qeyd olunur ki, Urmiya gölünün uzun illərdir quruma təhlükəsi ekoloqlar üçün ciddi narahatlıq doğurur.
13:04 12.05.2026
Oxunuş sayı: 50
![Doqquzuncu “ANİMAFİLM” Beynəlxalq Animasiya Festivalı başlayır 12.05.2026 [12:46] Çap et A+ A-](https://crossmedia.az/storage/news/2026_05_12/17785756234640833378_1200x630_1778576543-600x300.jpg)
