Xarici xəbərlər

Putin illərdir ilk dəfə müharibənin bitməsi barədə danışdı

Rusiya Prezidenti Vladimir Putin uzun müddətdən sonra Ukraynaya qarşı müharibə ilə bağlı çıxışında tonunu dəyişərək münaqişənin gələcəyi və mümkün danışıqlar barədə açıqlamalar verib.

Crossmedia.az bu barədə xarici mediaya istinadən xəbər verir.

Jurnalistlərlə təxminən 45 dəqiqə davam edən söhbət zamanı Putin əvvəlki sərt ritorikadan fərqli olaraq, "qələbə ilə bitən müharibə” və “denazifikasiya” kimi ifadələr əvəzinə danışıqların mümkünlüyündən danışıb. O, həmçinin Ukrayna Prezidenti Volodimir Zelenski ilə şəxsən görüşə hazır olduğunu və görüşün üçüncü ölkədə keçirilə biləcəyini istisna etməyib.

Məlumatda bildirilir ki, Putin artıq Zelenskini əvvəlki kimi sərt ifadələrlə hədəf almır və danışıqlar ehtimalını daha açıq şəkildə gündəmə gətirir.

Bu fonda Rusiya daxilində də müharibə ilə bağlı mövqelərdə dəyişikliklərin müşahidə olunduğu qeyd edilir. Bəzi ictimai fiqurların və media nümayəndələrinin daha ehtiyatlı və narazılıq dolu açıqlamalar verməyə başladığı bildirilir.

Eyni zamanda, Rusiya daxilində informasiya məhdudiyyətləri və texniki qadağaların tez-tez dəyişməsi, eləcə də təbliğat xəttində qeyri-sabitlik müşahidə olunur.

Analitiklərin fikrincə, uzunmüddətli münaqişə Rusiya üçün əvvəlki illərdəki siyasi təsirini itirərək daha çox daxili və iqtisadi təzyiq faktoruna çevrilməyə başlayıb.

🖨 Çap et

15:35 11.05.2026

Oxunuş sayı: 48