Aİ-dən Ermənistana dəstək mesajı: Gələcəyi yalnız erməni xalqı müəyyən edəcək
Avropa İttifaqının Genişlənmə üzrə komissarı Marta Kos bildirib ki, Ermənistanın gələcəyi və Avropa inteqrasiyası istiqamətində seçim hüququ yalnız erməni xalqına məxsusdur.
Crossmedia.az bu barədə xarici mediaya istinadən xəbər verir.
O, Brüsseldə keçirilən Aİ Xarici Əlaqələr Şurasının iclasından əvvəl Rusiya Prezidenti Vladimir Putinin Ermənistanın Avropa yolu ilə bağlı açıqlamalarına münasibət bildirib.
Kos vurğulayıb ki, Moskvanın artan təzyiqlərinə baxmayaraq Avropa İttifaqı Ermənistana dəstəyini davam etdirəcək.
“Yalnız erməni xalqı öz gələcəyinə qərar verə bilər. Son Aİ–Ermənistan sammiti və Avropa Siyasi Birliyinin iclası onların seçimini aydın şəkildə göstərdi. Avropa İttifaqı da bu yolda onlara dəstək verəcək,” – deyə o qeyd edib.
14:17 11.05.2026
Oxunuş sayı: 45
