Xarici xəbərlər

Hörmüz boğazı ilə bağlı İranın ABŞ-yə sərt mesajı

İran Xarici İşlər Nazirliyinin sözçüsü İsmayıl Bəqayi mətbuat konfransı zamanı ABŞ-nin təklifinə Tehran tərəfindən təqdim olunan cavabın əsas məqamlarını açıqlayıb.

Crossmedia.az xəbər verir ki, bu barədə məlumatı xarici media yayıb.

Onun sözlərinə görə, İranın tələbləri arasında Hörmüz boğazında gəmiçiliyin təhlükəsiz keçidinin təmin edilməsi və İran aktivlərinin xarici banklarda dondurulmasına son qoyulması yer alır.

“İran gəmilərinə qarşı dəniz quldurluğuna son qoyulması və İran xalqına məxsus, illərdir qeyri-qanuni şəkildə saxlanılan aktivlərin azad edilməsi – bunlar həddindən artıq tələbdirmi? Hörmüz boğazından təhlükəsiz keçid təklifimiz həddən artıqdırmı?” – deyə İsmayıl Bəqai qeyd edib.

O əlavə edib ki, Vaşinqtonda münaqişənin həlli ilə bağlı mövqelərin formalaşmasında İsrailin təsirindən istifadə olunması İranda təəssüf doğurur.

🖨 Çap et

14:09 11.05.2026

Oxunuş sayı: 64