Xarici xəbərlər

İran Britaniya və Fransa gəmilərini hədələyib

İranda Britaniya və Fransa gəmilərinə hücum hədəsi səsləndirilib.

Crossmedia.az xəbər verir ki, İranın radikal “Kayhan” qəzetinin baş redaktoru Hüseyn Şəriətmədari Fransa və Britaniya ordularının ABŞ və İsraillə əməkdaşlıq məqsədilə Süveyş kanalını keçərək Qırmızı dənizə daxil olduqlarını bildirib.

Onun sözlərinə görə, bu səbəbdən həmin ölkələrin hərbi gəmilərinə hücum etmək İranın “təbii və qanuni hüququ” hesab oluna bilər.

Şəriətmədari iddia edib ki, Britaniya və Fransa gəmiləri İranın uzaqmənzilli raketlərinin hədəfindədir. O, həmçinin Yəməndə İranın dəstəklədiyi husilərin Qırmızı dəniz və Bab əl-Məndəb boğazında raket üstünlüyünə malik olduğunu vurğulayıb.

“Yəmən müqavimət qüvvələri də bu ilahi missiyanı yerinə yetirməyə hazır olduqlarını bəyan ediblər”, – deyə o əlavə edib.

🖨 Çap et

09:36 11.05.2026

Oxunuş sayı: 49